२० अंकले बजारमा गिरावट आउँदा ६ अर्ब २७ करोड बराबरका शेयर खरिदबिक्री भए

७ कात्तिक, काठमाडौं । बुधबार शेयरबजार २० अंकले घटेको छ । आज नेप्से २०.४१ अंकले घटेर २४५.३९ विन्दुमा बन्द भएको छ । आज कुल ३२४ कम्पनीका एक करोड ५७ लाख ४२ हजार ५१४ कित्ता शेयर ६ अर्ब २७ करोड ८९ लाख ५१ हजार बराबरको कारोबार भएको थियो । सबैभन्दा बढी आइसीएफसी फाइनान्सको शेयर मुल्यमा सकारात्मक सर्किट लागेको छ भने माहुली लघुवित्तको शेयर मुल्य सबै भन्दा बढी ४.२८ प्रतिशतले घटेको छ ।

बैंकहरूको मुनाफाका कारण पनि बुधबार शेयर बजारमा सबैभन्दा धेरै बैंकिङ सेक्टर घट्यो र यहीं सेक्टरले बजारलाई झार्याे ।  कारोबार रकम बढेको छ । अघिल्लो दिन ४ अर्ब १७ करोडको कारोबार भएकोमा आज ६ अर्ब २७ करोडको भयो । नेप्से ०.७६ प्रतिशत घट्दा बैंकिङ सेक्टर सबैभन्दा धेरै १.७० प्रतिशत घट्यो ।

विकास बैंक ०.६५, होटल तथा पर्यटन ०.७५, हाइड्रोपावर ०.५३, लगानी ०.३५, जीवन बीमा ०.७१, उत्पादन ०.३८, माइक्रोफाइनान्स ०.३२, निर्जीवन बीमा ०.४३, अन्य समूह ०.४५ प्रतिशत घटे । ब्यापार ०.२५ र फाइनान्स समूह २.३२ प्रतिशत बढे ।

आईसीएफसी फाइनान्सको मूल्य १० प्रतिशत बढ्यो । समृद्धि फाइनान्सको ९.९३, मञ्जुश्री फाइनान्सको ६.६७ तथा साहस ऊर्जाको ५.८ प्रतिशत मूल्य बढ्यो । माहुली लघुवित्तको मूल्य ४.२८ प्रतिशत घट्यो । हिमालयन बैंकको ४.०७, सिटिजन्स बैंकको ३.९७, ग्रीन भेन्चरको ३.९३ तथा प्रभु बैंकको ३.८८ प्रतिशत मूल्य घट्यो । कारोबार रकमका आधारमा आईसीएफसी फाइनान्स, कुमारी बैंक, साहस ऊर्जा, समृद्धि फाइनान्स र हिमालयन डिस्टिलरी क्रमशः अगाडि रहे ।