ट्राफिकले लाइेसन्स र ब्लुबुक नियन्त्रणमा लिएकोप्रति अदालतबाट कारण देखाऊ आदेश जारी

८ कात्तिक, काठमाडौं । सर्वाेच्च अदालतले सवारी चेकजाँचको क्रममा ट्राफिक प्रहरीले लाइेसन्स र ब्लुबुक नियन्त्रणमा लिएको भन्दै परेको रिटमा कारण देखाऊ आदेश जारी गरेको छ । बिहीबार सर्वाेच्चका  न्यायाधीश नहकुल सुवेदीको इजलासले ट्राफिक प्रहरीले लाइसेन्स र ब्लुबुक नियन्त्रणमा लिनु गैरकानुनी भन्दै परेको रिटमा कारण देखाऊ आदेश जारी गरेको हो । 

प्रहरीले सवारी चालक अनुमति पत्र (लाइसेन्स) र सवारी धनी प्रमाणपत्र (ब्लुबुक) गैरकानुनी तरिकाले नियन्त्रणमा लिने गरेको भन्दै निवेदक विवेक चौधरीले गृह मन्त्रालयलाई विपक्षी बनाएर दायर गरेको रिटमा प्रहरीले कानुनी सीमा नाघेको दाबी गरिएको छ । अदालतबाट रिट किन जारी न हुनु पर्ने भनेर प्रतिपक्षलाई कारण देखाऊ आदेश भएको हो ।