राखेपका पूर्व सदस्यसचिव राणाको निधन

९ कात्तिक, काठमाडौं । राष्ट्रिय खेलकुद परिषद् 'राखेप'का पूर्व सदस्यसचिव सुशील शमशेर जबराको आज निधन भएको छ । उनको ९१ वर्षको उमेरमा निधन भएको हो ।

राणाको आजै पशुपति आर्यघाटमा अन्तिम श्रद्धाञ्जलीसहित दाहसंस्कार भएको राखेपको प्रचारप्रसार शाखा प्रमुख खुशराज दाहालले जानकारी दिए । उनका अनुसार श्रद्धाञ्जली अर्पण कार्यक्रममा राष्ट्रिय खेलकुद परिषदका विभागीय प्रमुखहरु प्रेमबहादुर मल्ल, सरोज पोखरेलसहित कर्मचाहरुको उपस्थिति थियो ।

राखेपको दोस्रो सदस्यसचिवका रुपमा राणाले छ वर्षसम्म नेपाली खेलकुदका क्षेत्रमा योगदान पु¥याउनुभएको थियो । विसं २०१७ देखि विसं २०२४ सम्म राणा परिषदको सदस्यसचिव भएका थिए ।  

नेपाल ब्याडमिन्टन संघको सस्थापक अध्यक्ष भएका राणा हाल आजीवन मानर्थ अध्यक्षको रुपमा रहेको संघका अध्यक्ष रामजीबहादुर श्रेष्ठले जानकारी दिए । राणाको निधनप्रति राष्ट्रिय खेलकुद परिषदले दुःख व्यक्त गर्दै शोकाकुल परिवारमा समवेदना व्यक्त गरेको छ  ।