६२ वर्षपछि स्तरोन्नति हुन लागेका बुटवल–गोरुसिंगे सडक विस्तारको गर्न काम सुरु

चन्द्र खनाल 

९ कार्तिक, रुपन्देही । देशकै पुरानो मुख्य महेन्द्र राजमार्ग (पुर्व–पश्चिम) विस्तारका लागी सडक विभागले काम सुरु गरेको छ । गत असारमा बुटवल–गोरुसिंगे सडकलाई ६ लेनमा विस्तार गर्ने गरि ठेक्का लगाई ४ कात्तिक देखि काम सुरु भैईसकेको छ । आयोजनाको पहिलो खण्ड बनाउनका लागी रु.१३ अर्ब ५५ करोड ६५ लाख रुपियाँमा ठेक्का लागेर पहिलो चरणका काम आरम्भ भएको बुटवल गोरुसिंगे सडक आयोजनाका प्रमुख तथा इन्जिनियर कुशलता न्यौपानेले बताए ।

न्यौपानेका अनुसार पहिलो खण्डलाई पनि टुक्राईएको छ । दुई चरणमा २५÷२५ गरि ५० किलोमिटर सडक विस्तार गर्न लागिएको हो ।पहिलो चरणका लागी रु.७ अर्ब ८९ करोड ४३ लाख र दोस्रो चरणका लागी रु.५ अर्ब ६६ करोड २२ लाखमा ठेक्का लगाइएको हो । पहिलो खण्डमा सडक विस्तार गर्नुको साथै साना ठुलो ३० वटा पुल निर्माण गरिने छ ।

ठेक्का सम्झौता अनुसार १५५ वटा कल्र्भट तथा ६ वटा अन्टरपास र ओभरपास पनि निर्माण गरिने छ । चिनियाँ कम्पनी शान्सी कन्स्ट्रक्सन इन्जिनियरिङ ग्रुप कर्पोरेसन र चितवनको आशिष निर्माण सेवाले निर्माणका लागी ठेक्का पाएको छ ।

बुटवलदेखि कपिलवस्तुको चन्द्रौटासम्मको ६९ किलोमिटर सडक क्षेत्र छ । सडक बिस्तारमा विश्व बैंकले २७ करोड ५० लाख अमेरिकी डलर उपलब्ध गराउने छ । स्तरोन्नत हुन लागेको यो सडक भौतिक पुर्वाधार तथा यातायात मन्त्रालय सडक विभाग अन्र्तगत रहेर काम अघि बढेको हो । ६ लेन भित्र पर्ने संरचना हटाउनका लागी प्रक्रिया अघि बढेको र रुखहरू कटानका लागी वनबाट अनुमति भइसकेको आयोजनाले उल्लेख गरेको छ ।

क्षेतिपुर्ति दिने गरि सडक भित्र पर्ने संरचना हटाउने र छठ पर्व लगत्तै निर्माणको काम सुरु गर्ने ईन्जिनियर कुशलता न्यौपानेले बताए ।नारायघाट मुग्लिन सडक विस्तार जस्तो ढिला नहुने गरि यो सडक विस्तार हुने विश्वास न्यौपानेले दिए । ३ वर्ष भित्र निर्माण कार्य सक्ने गरि ठेक्का भएको उनको भनाई छ। तत्कालीन राजा महेन्द्रको पालामा बनेको यो सडक ६२ वर्षपछि स्तरोन्नति हुन लागेको हो । सडक विस्तारले बढ्दो सवारीसाधनको चापलाई कम गर्ने र ठूला सवारी चलाउन सहज हुने अपेक्षा गरिएको छ ।

सडक विस्तारसँगै व्यापार–व्यवसायमा पनि सहज हुने बुटवल उद्योग वाणिज्य संघका अध्यक्ष हरिप्रसाद अर्यालले बताए । यो सडक बुटवलबाट चन्द्रौटा हुँदै नेपाल–भारत कृष्णनगर भन्सार र लुम्बिनी प्रदेशको राजधानी दाङसँग जोडिन्छ ।