साफ महिला च्याम्पियनसीपमा आज नेपाल र भारत खेल्दै

११ कात्तिक, काठमाडौं । साफ महिला च्याम्पियनसीपमा आज नेपालले भारतसँग खेल्दैछ । बेलुकी साढे ६ बजेबाट सुरु हुने खेलमा नेपाल जित निकाल्दै फाइनल पुग्ने लक्ष्यका साथ मैदान उत्रिनेछ ।घरेलु टोली नेपाल समूह बी को विजेता बन्दै सेमिफाइनल पुगेको हो । भारत समूह ए को उपविजेताको रुपमा सेमिफाइनल पुगेको हो ।

नेपाल आफ्नो समूहमा २ जित १ बराबरी नतिजा निकाल्दै अपराजित रह्यो ।  दुई वर्षअघि दशरथ रङ्गशालामै पहिलो पटक भारतलाई १–० ले हराएर फाइनलमा पुगेको थियो । आजै हुने अर्को सेमिफाइनलमा बङ्गलादेश र भुटान दिउँसो साढे एक बजे दशरथ रङ्गशालामा खेल्नेछन् ।