उसुको थाउलो विश्वकपमा नेपालले जित्यो कांस्य पदक

११ कात्तिक, काठमाडौं । जापानमा जारी उसुको तेस्रो थाउलो विश्वकप–२०२४ मा नेपाललाई ऐतिहासिक कांस्य पदक प्राप्त भएको छ । नेपाली उसु खेलाडी विजय सिंजालीले उसु थाउलो विश्वकप २०२४ मा कांस्य पदक जितेका छन् । जापानमा भइरहेको थाउलो विश्वकप अन्तर्गत आइतबार बिहान भएको छेन्सुतर्फको विधामा विजयले ९.६३६ अंक स्कोर गर्दै तेस्रो स्थान हासिल गरेका हुन् ।

बिहान सम्पन्न प्रतिस्पर्धामा ९ दशमलब ६३६ अंक प्राप्त गर्दै कांस्य पदक जितेका हुन् । सो स्पर्धामा मलेसियाका वेन सन वङले स्वर्ण तथा जापानका मोटो योसीले रजत पदक जिते । अन्तर्राष्ट्रिय आमन्त्रित उसु प्रतियोगिता चीनमा कांस्य पदक जितेका खेलाडी पनि हुन् । १३औं सागमा स्वर्ण पदक र १० औं राष्ट्रिय खेलकुदमा स्वर्ण पदक जितेका उनले रियादमा भएको वर्ल्ड उसु कमब्याट गेम्समा पनि स्वर्ण पदक जितेका छन् ।