जीपी कोइराला फाउण्डेशन अमेरीकाले गर्यो शुभकामना आदान-प्रदान

११ कात्तिक, काठमाडौं । गिरिजाप्रसाद कोइराला फाउण्डेशन अमेरिका चाप्टरको आयोजनामा न्युयोर्क उडसाइडस्थित कार्यालय परिसरमा नेपाली चाडपर्व विजयादशमी, दिपावली, छठ, ल्होसार बलीहाङ् तङ्नाम्, सकेला, न्हुदँया भिन्तुनाको शुभ उपलक्ष्यमा शुभकामना आदान प्रदान एवं भेटघाट कार्यक्रम गरिएको छ । 

उक्त कार्यक्रममा समाजका विभिन्न तहतप्कामा रहेका समाजसेवी महानुभाव लगायतको उपस्थिति थियो । फाउण्डेशनका कार्यबाहक अध्यक्ष सुवर्ण लामाको सभापतित्वमा संचालित सो कार्यक्रमको संचालन फाउन्डेशनका प्रवक्ता रामचन्द्र अधिकारीले गरेका थिए । सो कार्यक्रममा न्युयोर्कका पुर्व महावाणिज्यदुत नारायणप्रसाद मैनाली, माइनोरिटी ईम्पाओरमेन्टका अध्यक्ष श्याम कार्की, तामांग समाज नर्थ अमेरीकाका अध्यक्ष मोहन वाईवा, तमांग समाज अमेरीकाका अध्यक्ष बुद्धिमान तामांग,एनआरएन न्युयोर्क च्याप्टरकी महासचिव गीता अधिकारी, दोलखा समाज अमेरिकाका अध्यक्ष भोजराज थोकरको उपस्थिति थियो । 

यस्तै गोर्खा समाज अमेरिकाका अध्यक्ष अंजन श्रेष्ठ, वरिष्ठ समाजसेवी रतन लामा, यसै फाउन्डेशनका सल्लाहकार आदित्य महर्जन, समाजसेवी प्रेम विक्रम खड्का, समाजसेवी किशोर रेग्मी तथा पत्रकार विष्णु सैंजु, राज लामा लगायतले शुभकामना मन्तव्य राख्दै फाउनडेशनको यो शुभकामना आदान–प्रदान एवं जलपान कार्यक्रमले प्रवासमा नेपाल र नेपालीपनको सौहार्दता तथा आपसी स्नेहभाव बढाएको  र मनमा नेपाल बोकेर तनमा प्रवासमा रहेपनी यस्ता कार्यक्रमले आत्मीयता र भाइचारा बढाएको विषयमा सबैजसो बक्ताहरूले जोडदिए । 

कार्यवाहक सभापति सुवर्ण लामाले फाउण्डेशनले स्व. गिरिजावावुले भनेझैं सदा सहमति, सहकार्य र एकता लाई मुलमन्त्र मानी यही समाजको सहयोगकोलागी फाउण्डेशन लागीपरेको विषयमा जोड दिए । उपस्थित सबैलाई फाउण्डेशन अमेरीकाका केन्द्रीय सदस्य ध्रुव कुँवर क्षेत्रीले धन्यवाद मन्तव्य दिएका थिए । फाउन्डेशन अमेरीकाका केन्द्रीय सदस्य प्रेम अधिकारी  र रेखा श्रेष्ठ एवं आजीवन सदस्य शेखर कार्की, पुर्ण तामागं, दावा शेर्पा लगायत स्वयंसेवकहरू कार्यक्रम व्यवस्थापन एवं अतिथि सत्कारमा लागेका थिए । 

टेष्ट अफ नेपाल न्युयोर्ककी संचालिका एवं फाउण्डेशन अमेरिकाकी केन्द्रीय सदस्य रेखा श्रेष्ठको सौजन्य एवं नेतृत्वमा स्वादिष्ट नेपाली खानाका परीकार तथा जलपान उपलब्ध गराईएको थियो भने वाग्लुगं सेवा समाजको सौजन्य सहयोगमा फर्निचर उपलब्ध गराइएको थियो । जीपी कोइराला फाउन्डेशन अमेरिका परिवारले पाउनालाई धन्यवाद दिएको छ ।