नेपालमा बस्ने अनुमति सकिएका कारण थाई एयर एसियाको जहाज आकाशमै होल्ड, अतालिए यात्रु

११ कात्तिक, काठमाडौं । यात्रु लिएर नेपाल आएको थाई एयर एसियाको जहाजलाई दिउँसो २ बजेदेखि आकाशमा होल्ड गरिएको छ । नेपालमा बस्ने अनुमति सकिएको भन्दै उसलाई ल्याण्ड गर्न नदिइएको हो । जहाजलाई उतै फर्कन भनिएको छ । 

जहाजमा भएका यात्रु अतालिएकाले नेपालको नियामक निकायप्रति प्रश्न उठाउने स्थिति बनेको विमानस्थलका एक कर्मचारीले बताए । अवतरण अनुमति सकिएको जहाज लिएर आएपछि थाई एयर एसियाको जहाजलाई बस्न नदिइएको हो । यो जहाज २ बजे अवतरण गर्नुपर्ने तालिका थियो । 

ति कर्मचारीप्का अनुसार थाई एयर एसियाले ल्याएको जहाजको अवतरण अनुमति शनिबार सकिएको थियो । नविकरण नभएकाले जहाजलाइृ अवतरण गराउने मिल्दैन । तर, यात्रु भने जोखिममा परेका छन् । अनुमति नभएका कारण यो जहाज काठमाडौंमा अवतरण गर्न पाउँदैन ।

जहाज डाइभर्ट हुनुपर्छ । जहाजलाई अवतरण गराउने वा डाइभर्ट गराउने भन्नेबारे अहिले प्राधिकरणका उच्च अधिकारीहरूको बैठक बसिरहेको ति कर्मचारीले बताए ।