सांसदसहित रास्वपाका केही कार्यकर्ता प्रहरी नियन्त्रणमा

१३ कात्तिक, काठमाडौं । प्रधानमन्त्रीको सरकारी निवास बालुवाटारमा प्रदर्शन गर्न पुगेका राष्ट्रिय स्वतन्त्र पार्टी (रास्वपा) सांसद सहित केही कार्यकर्तालाई प्रहरीले नियन्त्रणमा लिएको छ । रास्वपाले आज बालुवाटारमा विरोध प्रदर्शन गर्ने कार्यक्रम राखेको थियो । कुनै पनि जुलुस वा प्रदर्शन गर्न नपाइने भन्दै प्रशासनले निषेधित भनेको क्षेत्रमा प्रवेश गरेपछि उनीहरुलाई पक्राउ गरिएको हो । 

उक्त क्षेत्रमा प्रदर्शन गर्न पुगेका रास्वपा सांसद अशोककुमार चौधरीसहित कार्यकर्ताहरूलाई प्रहरीले नियन्त्रणमा लिएको हो । काठमाडौं जिल्ला सभापति प्रदीप विष्ट, ललितपुर जिल्ला सभापति बुद्धरत्न महर्जन, खुसीराम कैनी, जयराम नेपाल, सुरेन्द्र अवाले, नवराज भण्डारी, सहिल प्रयास, उमेश लामा, नवराज मुडभरी, ध्रुव ढकाल र सवि खड्का प्रहरीको नियन्त्रणमा रहेको रास्वपाले जनाएको छ ।