विश्वकप लिग-२ अन्तर्गत आज अमेरिका र स्कटल्याण्डबीच खेल हुँदै

१५ कात्तिक, काठमाडौं । आईसीसी विश्वकप लिग-२ अन्तर्गत त्रिकोणात्मक सिरिजमा आज अमेरिका र स्कटल्याण्ड खेल्दै छन् ।

यो खेल नेपाली समय अनुसार राति ९:१५ बजेदेखि डल्लासस्थित ग्राण्ड प्रेरी स्टेडियममा शुरु हुने छ । यस सिरिजमा अमेरिका र स्कटल्याण्डले एक एक खेल जितेका छन् ।

अमेरिकाले २ खेलमा नेपालविरुद्ध जित हासिल गरेको थियो भने स्कटल्याण्डविरुद्ध हार बेहोरेको थियो । त्यस्तै स्कटल्याण्डले पहिलो खेलमा अमेरिकालाई पराजित गरेपनि दोस्रो खेलमा नेपालसँग पराजित भएको थियो ।

लिग-२ मा अमेरिका १० खेलमा १४ अंक हासिल गर्दै दोस्रो स्थानमा छ भने स्कटल्याण्ड ९ खेलमा ११ अंकसहित चौथो स्थानमा रहेको छ । त्यस्तै नेपालको भने १० खेलमा केवल ५ अंक रहेको छ र सातौं स्थानमा रहेको छ ।