कमला ह्यारिसको र्यालीमा प्रसिद्ध गायिका लोपेज पनि सहभागी

१६ कात्तिक, काठमाडौं। अमेरिकाको राष्ट्रपति पदकी डेमोक्रेटिक उम्मेद्वार कमला ह्यारिसको र्यालीमा प्रसिद्ध अमेरिकी गायिका जेनिफर लोपेज पनि सहभागी भएकी छन् ।

कमला ह्यारिसको स्टेजमा जेनिफर लोपेज उपस्थित थिइन् । र्यालीलाई सम्बोधन गर्दै आफूले अहिलेसम्म भाग लिएको यो सबैभन्दा महत्त्वपूर्ण फोरम भएको बताएकी छन् । जेनिफर लोपेजले भनिन्, ‘म महिलाको शक्तिमा विश्वास गर्छु । 'यस चुनावमा परिवर्तन ल्याउने शक्ति महिलामा छ ।'

त्यस्तै र्यालीलाई सम्बोधन गर्दै कमला ह्यारिशले भनिन्- 'अमेरिका डोनाल्ड ट्रम्पले सिर्जना गरेको विभाजनबाट थकित भएको छ । हामी कठिन सङ्घर्षबाट डराउँदैनौँ र जित्नेछौँ ।'

ह्यारिसले आफुले हरेक दिन अमेरिकी अर्थतन्त्रमा ध्यान केन्द्रित गर्ने बताउँदै न्यूनतम् पारिश्रमिक बढाउनेछन् र काम गर्ने मानिसहरूका लागि लड्ने बताएकी छन् ।

पछिल्ला सर्वेक्षणहरुमा ह्यारिस र रिपब्लिकन उम्मेदवार डोनाल्ड ट्रम्पबीच कडा प्रतिस्पर्धा देखिएको छ । नोभेम्बर ५ मा हुने निर्वाचन अघि ६० मिलियन भन्दा बढी मतदाताले पोष्टल मार्फत र प्रि-मतदानमार्फत मत दिइसकेका छन् ।