जित नजिक पुगेका ट्रम्पले फ्लोरिडामा सम्बोधन गर्ने

२१ कात्तिक, काठमाडौं । अमेरिकाका सातमध्ये तीन स्विङ राज्यमा विजय हासिल गरेपछि रिपब्लिकन पार्टीका उमेदवार डोनाल्ड ट्रम्पले आफ्ना समर्थकलाई सम्बोधन गर्ने भएका छन् । अमेरिकी राष्ट्रपति निर्वाचनमा विजयनजिक पुगेका ट्रम्पले सम्बोधन गर्ने भएपछि उनका समर्थकहरू फ्लोरिडामा जम्मा हुन थालेका छन् । 

१९ इलेक्ट्रोरल भोट भएको पेन्सलभेनियाको नतिजा टम्पतिर जाने देखिएको छ । यद्यपि औपचारिक प्रोजेक्सन भने होइन । तर यो रिपब्लिकन समर्थकका लागि ठूलो खुसी हो । किनकी पेन्सलभेनिया जितेसँगै ट्रम्पको इलेक्ट्रोरल भोट २६६ हुनेछ । जबकी राष्ट्रपतिमा निर्वाचित हुन २७० चाहिन्छ ।

अमेरिकी राष्ट्रपति चुनावमा सात स्वीङ स्टेटलाई निर्णायक मानिएको थियो । ट्रम्पले सुरुमा नर्थ क्यारोलिना जिते । १६ इलेक्ट्रोरल भोट भएको यो राज्यमा २०२० को चुनावमा पनि ट्रम्प नै विजयी भएका थिए । फ्लोरिडामा भने उनले परिणाम उल्टाए ।

२०२० मा जो बोइडेनले जितेको यो राज्यमा यो पटक ट्रम्पले बाजी मारे । यहाँ पनि १६ इलेक्ट्रोरल भोट छ । ट्रम्प आफ्नो चुनावी अभियानको मुख्यालय फ्लोरिडालाई बनाएका थिए । यसैकारण उनले फ्लोरिडामा सम्बोधन गर्ने विश्वास गरिएको छ । 

ट्रम्पको सम्बोधनको लागि स्टेज तयार गरिएको छ । उनीसँगै उपराष्ट्रपतिका उमेदवार जेडी भान्स पनि आउन सक्ने बताइएको छ । ट्रम्प विजयनजिक पुगेपछि अमेरिकाका धेरै सहरहरूमा उनका समर्थकहरू उनको तस्बिर लिएर सडकमा उत्रिन थालेका छन् ।  एजेन्सी