नेप्से घटेपनि १२१ कम्पनी नाफामा, ५ अर्ब २२ करोडको शेयर कारोबार

२१ कात्तिक, काठमाडौं । बुधबार शेयर कारोबार मापक नेप्से परिसूचक १.८८ अंकले घटेको छ । ५ अर्ब २२ करोड २४ लाख रुपैयाँको शेयर कारोबार भएको छ । मंगलबार ४ अर्ब २० करोड रूपैयाँको कारोबार भएको थियो । आज १२१ कम्पनीको मूल्य बढ्दा ११७ को घट्यो भने ६ को स्थिर रह्यो ।

औसतमा ठूला पूँजी भएका कम्पनीको मूल्य घटेकाले यस्तो प्रभाव परेको हो । तिहारपछि खुलेका दुई दिन नै बजारमा झिनो गिरावट देखिएको छ । अघिल्लो दिन नेप्से ०.२१ अंक घटेको थियो । बुधबार नेप्से २६७५.५१ बिन्दुमा बन्द भएको छ ।

बुधबार ५५ हजार २३८ पटकको शेयर किनबेचबाट १ करोड १६ लाख ८६९ कित्ता शेयर किनबेच भए । कूल १३ उपसमूहमध्ये ५ उपसमूह बढे भने बाँकी उपसमूहहरू घटे । बढ्ने उपसमूहहरूमा विकास बैंक, फाइनान्स, हाइड्रोपावर, व्यापार र म्यूचअल फन्ड अघि रहे । घट्ने उपसमूहहरूमा निर्जीवन बीमा, होटल तथा पर्यटन, जीवन बीमा र लघुवित्त अघि रहे ।