सर्लाहीमा झुन्डिएको अवस्थामा युवकको शव फेला

♦ सञ्जय मिश्रा

२३ कात्तिक, सर्लाही । सर्लाहीको हरिपूर्वा नगरपालिका स्थित एकजना युवकको शव रुख माथि झुन्डिएको अवस्थामा फेला परेको छ । युवकको हत्या गरिएको आशंका गरिएको छ ।

हरिपुर्वा ४ डुमरिया गाउँमा स्थानीय सिकिन्द्र रायको छोरा अन्दाजी १९ बर्षको धिरज रायको हात खुट्टा बाँधिएको तथा रुखमा झुन्डिएको अवस्थामा शव  फेला परेका हुन् । पीडित परिवारले कसैले धीरजको हत्या गरेर रुखमा झुन्ड्याएको हुनसक्ने दाबी गरेका छन् ।

जिल्ला प्रहरी कार्यालय सर्लाहीका प्रवक्ता डीएसपी दीपक श्रेष्ठले घटनाको पुष्टि गरेका छन् । प्रवक्ता श्रेष्ठले घटनाको अनुसन्धानका लागि जिल्ला प्रहरी कार्यालयबाट इन्स्पेक्टरको कमान्डमा विशेषज्ञको टोली घटनास्थल गएको जानकारी दिएका छन् ।