दैलेखबाट सुर्खेत आउँदै गरेको गाडी दुर्घटनामा परी ४ जनाको मृत्यु, २५ भन्दा बढी घाइते

२३ कात्तिक, सुर्खेत । सुर्खेतमा भएको गाडी दुर्घटनामा ४ जनाको मृत्यु भएको छ । शुक्रबार दिउँसो सवा दुई बजे दैलेखबाट सुर्खेत आउँदै गरेको कर्णाली प्रदेश ०२००१ ख ९९८ नम्बरको गाडी सुर्खेत र दैलेखको सीमानामा दुर्घटनामा परेको हो । वीरेन्द्रनगर नगरपालिका–१४, को रातानांग्ला नजिक भएको फोर्स गाडी दुर्घटनामा परी ४ जनाको मृत्यु भएको हो । 

 दुर्घटनामा परी २५ जना घाइते भएका छन् । घाइतेको उद्धार गरी थप उपचारका लागि कर्णाली प्रदेश अस्पताल सुर्खेत पठाइएको छ । उक्त दुर्घटनामा मृत्यु भएकाहरूको पहिचान खुलिनसकेको जिल्ला प्रहरी कार्यालय सुर्खेतका प्रवक्ता डिएसपी वीरेन्द्रवीर विश्वकर्माले जानकारी दिए । उनका अनुसार उनीहरूको घटनास्थलमै मृत्यु भएको हो ।