राष्ट्रिय सहकारी विकास बोर्डको अनधिकृत संरचनामा ललितपुर महानगरको डोजर ( फोटो फिचर )

२५ कात्तिक, ललितपुर ।  ललितपुर महानगरपालिकाले राष्ट्रिय सहकारी विकास बोर्डको अनधिकृत संरचनामा आज डोजर चलाएको छ । ललितपुरको हरिहर भवन स्थित विकास बोर्डको अनधिकृत संरचना नगर प्रहरी प्रमुख सीताराम हाछेथुको नेतृत्वमा आएको नगर प्रहरीले डोजर चलाएको हो ।

मुद्दाः निर्माण कार्य रोक्का गरी पाऊँ ।

१. २०७३/०९/१८ गते तत्कालीन ललितपुर उप-नगरपालिकाका प्रमुख तथा कार्यकारी अधिकृत ज्यूबाट स्थानीय स्वायत्त शासन एवं २०५५ को दफा १६१/४० बमोजिम मापदण्ड विपरीत पर्खाल भत्काउने फैसला ।

२. विपक्ष चित्त नबुझि ल.पु. जिल्ला अदालतमा पुनरावेदन गर्न गएकोमा सम्माननीय अदालतबाट मिति : २०७४/०४/१८ गते तत्कालीन ल.पु.म.न.पा. बाट २०७३/०९/१८ गतेको निर्णय
मिलेको हुँदा सदर ।

३. मिति २०७५/०३/०३ गते सम्मानित जिल्ला अदालतको निर्णय सम्माननीय उच्च अदालतबाट क्षेत्राधिकारको अभावमा फिराद खारेज गरेको (महानगरको निर्णय सदर नै भएको)

४. सम्मानित सर्वोच्च अदालतमा दोहोर्याई पाउ भनि गएको सर्वोच्चबाट २०७६/०५/०३ गतेका दिन रिट निवेदन खारेज हुने ठहर्छ साथै यस अदालतबाट मितिः २०७५/०८/१३ मा जारी भएको अन्तरिम आदेश समेत निस्कृय हुन्छ भनि फैसला भएको ।

५. मितिः २०७९/५/१० गते उच्च अदालत पाटनमा ल.पु.म.न.पा. का प्रमुख समेत विपक्षीको नाममा उत्प्रेषण मुद्दाको पत्र मिति २०७९/५/१२ प्राप्त मार्फत मितिः २०७९/०४/१५ एवं २०७९/०५/७ कार्यान्वयन नगर्नु नगराउनु भनि अल्पकालीन अन्तरिम आदेश जारी

६. मिति २०८१/१/३१ गते उच्च अदालत पाटन द्वारा उत्प्रेषण परमादेशको आदेश जारी गर्नु नपर्ने भनि रिट निवेदन खारेज ।

७. ल.पु.म.न.पा. कानुन महाशाखाको मिति २०८१/६/११ गतेको पत्र मार्फत फैसला कार्यान्वयनको लागि पत्राचार

८. मिति २०८१/७/४ गतेको ७ (सात) दिन भित्र आफ्नो तर्फबाट फैसला कार्यान्वयन पत्र २०७६/७/६ गते राष्ट्रिय सहकारी बोर्डले बुझि लिएको ।

९. मिति: २०८१/०७/२५ गते निर्णय कार्यान्वयन गर्ने बारे २०८१/०७/२३ गते पत्राचार गरेको