कालीकोटमा गाडी दुर्घटनाः १० जनाको मृत्यु, १० घाइते

२५ कात्तिक, सुर्खेत । कालीकोटको पलाता गाउँपालिका–३ राडूनेटामा बोलेरो गाडी दुर्घटना हुँदा १० जनाको मृत्यु भएको छ । अन्य १० जना घाइते भएका छन् । कालीकोटका प्रमुख जिल्ला अधिकारी नारायणप्रसाद भट्टराईले जिप दुर्घटनामा परेको जानकारी दिए । 

गाडीमा सवार २० जनामध्ये १० जनाको घटनास्थलमै मृत्यु भएको भट्टराईले जानकारी दिए । उनका अनुसार बाँकी १० जना घाइते छन् । पलाताको थिर्पूबाट २० जना यात्रु बोकेर गएको बोलेरो आइतबार दिउँसो साढे दुई बजे दुर्घटना भएको थियो । गाडी सडकबाट ५०० मिटर तल खसेको छ । दुर्घटनाबारे थप विवरण आउन बाँकी छ ।