एलन मस्कलाई ट्रम्पले दिए महत्त्वपूर्ण जिम्मेवारी

२८ कात्तिक, न्यूयोर्क । अमेरिकी राष्ट्रपति डोनाल्ड ट्रम्पले आफुलाई चुनाव जिताउन महत्त्वपूर्ण भूमिका निर्वाह गरेका सामाजिक सञ्जाल एक्सका मालिक एलन मस्कलाई विशेष जिम्मेवारी दिएका छन्। 

ट्रम्पले रिपब्लिकबाट उम्मेदवारी दाबी गरेका विवेक रामाश्वामी र मस्कलाई डिपार्टमेन्ट अफ गभरमेन्ट इफिसेन्सीको नेतृत्व दिएका हुन्।  यो पद औपचारिक क्याबिनेट पद भने होइन । यसको उद्देश्य सरकारी खर्च कटौती र दक्षता सुधार गर्ने हो । 

यो घोषणा गर्दै ट्रम्पले मस्कलाई ‘ग्रेट एलोन मस्क’ भनेका छन् भने रामास्वामीलाई ‘देशभक्त अमेरिकी’ भनेका छन्। मस्कसँगै रामास्वामीले संघीय एजेन्सीहरूको पुनर्संरचनाका साथै कर्मचारीतन्त्र, अप्रासंगिक नियम-कानुन र सरकारमा हुने अनावश्यक खर्च रोक्ने काम गर्नेछन्। ट्रम्पले यसलाई ‘सेभ अमेरिका’ अभियानका लागि आवश्यक भएको बताएका छन् ।