कीर्तिपुरमा एकीकृत समाजवादीले माओवादीलाई सघाउने

२८ कात्तिक, काठमाडौं । नेकपा एकीकृत समाजवादीले काठमाडौंको कीर्तिपुर नगरपालिकाको मेयरमा नेकपा माओवादीलाई सघाउने भएको छ । मंसिर १६ गते हुन लागेको उपनिर्वाचनमा मेयर पदमा आफ्नो पार्टीको तर्फबाट उम्मेदवार नदिने भएको हो ।  

कीर्तिपुरको मेयरमा माओवादीले शिवशरण महर्जनलाई उमेदवार बनाएको छ । मेयर पदमा उमेदवारी नदिने र वडामा भने उमेदवार दिने गरीबारे माओवादीसँग छलफल भइरहेको नेकपा एसले जनाएको छ । एकीकृत समाजवादीले कीर्तिपुर नगरपालिकाको वडामा भने सघाउन माओवादीसँग आग्रह गरिरहेको छ । कीर्तिपुरको वडा नम्बर १ र ४ मा उपनिर्वाचन हुँदै छ ।