भक्तपुरको दरबार स्क्वायरनजिक ९४ वर्षीया वृद्धाको हातखुट्टा बाँधिएको अवस्थामा शव भेटियो

२९ कात्तिक, काठमाडौं । भक्तपुरमा एक वृद्धाको शव फेला परेको छ । भक्तपुर नगरपालिका–३, दरबार स्क्वायरनजिक घर रहेकी ९४ वर्षीया विष्णुकुमारी त्वयना मृत भेटिएकी हुन् । उनको हत्या गरिएको प्रहरीको आशंका छ । त्वयनाको हातखुट्टा बाँधिएको अवस्थामा शव फेला परेको हो । 

विष्णुको हत्या गरिएको आशंमा प्रहरीले अनुसन्धान अघि बढाएको जिल्ला प्रहरी परिसर भक्तपुरका डीएसपी ढुण्डीराज नेउपानेले । तालिमप्राप्त कुकुरको सहयोगमा अनुसन्धान सुरु गरिएको प्रहरीले जनाएको छ । त्वयनाको शव बुधबार साँझ ५ बजेको समयमा आफ्नै घरमा फेला परेको नेउपानेले जानकारी दिए । उनको शव आफू सुत्ने कोठामा कपडाले दुबै खुट्टा एकै ठाँउमा बाँधिएको अवस्थामा मृत्त फेला परेको थियो । 

शव पोस्टमार्टमका लागि काठमाडौं मेडिकल कलेज, दुवाकोट, भक्तपुर पठाइएको र घटनाबारे अनुसन्धान भइरहेको नेउपानेले जानकारी दिए । उनको किन र कसले हत्या गरेको भन्ने पत्ता लगाउन प्रहरीले तालिम प्राप्त कुकुरको प्रयोग गरेको छ । घटनाको अनुसन्धान सुरु भएको छ ।