श्रीलंकामा राष्ट्रपति अनुराकुमाराको दल एनपीपी दुई तिहाई नजिक

३० कात्तिक, काठमाडौं । श्रीलंकाका राष्ट्रपति अनुराकुमारा दिसानायके नेतृत्वको सत्तारुढ नेशनल पिपुल्स पावर 'एनपीपी' ले संसदीय निर्वाचनमा ठुलो जित हासिल गरेको छ । अहिलेसम्म एनपीपीले राष्ट्रियस्तरमा ६१.५६  प्रतिशत अर्थात ६८ लाख भन्दा बढी मत प्राप्त गरेको छ ।

अघिल्लो निर्वाचनमा केवल ३ सिट जितेको एनपीपीले यस निर्वाचनमा अहिलेसम्म १३७ सिट जितेको मिडि रिपोर्टमा उल्लेख छ ।

२२५ सदस्यीय श्रीलंकाको तल्लो सदनमा बहुमतका लागि ११३ सिट आवश्यक पर्दछ । त्यस्तै विपक्षी समगी जन बलवेगया 'एसजेबी' ले ३५ सिट जितेको छ भने पूर्व राष्ट्रपति रनिल विक्रमासिंघेको राष्ट्रिय लोकतान्त्रिक मोर्चा 'एनडीएफ' ले केवल ४३ सिट जितेको बताइएको छ ।

राजपाक्षे परिवारको श्रीलंका पिपुल्स फ्रन्ट 'एसएलपीपी' ले दुई सिट जितेको छ। सेप्टेम्बरमा भएको राष्ट्रपति चुनावको तुलनामा संसदीय निर्वाचनमा एनपीपीले बढी सिट प्राप्त गरेको विज्ञहरू बताएका छन् ।