कर दिवसमा विभिन्न कार्यालयका १० कर्मचारी सम्मानित

१ मंसिर, काठमाडौं । आन्तरिक राजस्व विभागले करदातालाई सम्मान गरेको छ । विभिन्न कर कार्यालयका कर्मचारी पनि सम्मानित भएका छ । राष्ट्रिय कर दिवसका अवसरमा शनिबार एक कार्यक्रमकाबीच उत्कृष्ट करदाता र कर्मचारीलाई सम्मान गरिएको छ । 

यसपटक सबैभन्दा धेरै आयकर दाखिला गर्नेमा नेपाल टेलिकम बनेको छ भने व्यक्तितर्फ राजबहादुर शाह धेरै आयकर तिर्ने करदाताका रुपमा सम्मानित भएका छन् । यस्तै अन्य विभिन्न कम्पनीहरु पनि सम्मानित भएका छन् ।  सरकारले मूल्य अभिवृद्धि कर ऐन २०५२ लागु भएको दिन २०५४ मंसिर १ को आधारमा २०६९ सालदेखि कर दिवस मनाउदै आएको छ ।

यस अवसरमा उत्कृष्ट काम गर्न तीन वटा कर कार्यालय र दस जना कर्मचारीलाई सम्मान गरिएको हो । उनीहरूलाई प्रोत्साहनका लागि सम्मान गरिएको विभागले जनाएको छ । उत्कृष्ट कर कार्यालयहरूमा करदाता सेवा कार्यालय तौलिहवा, करतादा सेवा कार्यालय खोटाङ  र करदाता सेवा कार्यालय स्याङ्जा परेका छन् । 

यस्तै उत्कष्ट १० कर्मचारीहरूमा जीवनाथ ज्ञवाली, कर अधिकृत मध्यमस्तरीय कर कार्यालय, धर्मबहादुर रोकाय, शाखा अधिकृत आन्तरिक राजस्व विभाग, सुवर्ण कोइराला, शाखा अधिकृत आन्तरिक राजस्व विभाग, कुन्त माया गुरुङ, शाखा अधिकृत, आन्तरिक राजस्व विभाग र संजय सिंह, कमणप्युटर इन्जिनियर, आन्तरिक राजस्व विभाग रेहका छन् । 

यस्तै अन्य कर्मचारीहरुमा प्रेमप्रसाद तिमिल्सिना, कर अधिकृत आन्तरिक राजस्व कार्यालय हेटौडा, हेरम्वराज न्यौपाने, कर अधिकृत आन्तरिक राजस्व कार्यालय, कृष्णनगर, गंगाकुमारी हरिजन, नासु, कर अधिकृत, आन्तरिक राजस्व कार्यालय, भैरहवा, रामप्रसाद रेग्मी, आन्तरिक राजस्व कार्यालय, बत्तिसपुतली र  सञ्जय हांखिङ, नासु, ठूला करदाता कार्यालय रहेका छन् । राजस्व विभागले सबैभन्दा बढी कर तिर्ने कम्पनी र राम्रो काम गर्ने कर्मचारीलाई सम्मान गरेको हो ।