नागा चैतन्य र शोभिता धुलिपला विवाह बन्धनमा बाँधिदै

२ मंसिर, काठमाडौं । साउथ अभिनेता नागा चैतन्य र शोभिता धुलिपला यो वर्ष विवाहको तयारीमा छन् ।

रिर्पोटका अनुसार नागा चैतन्यको विवाहको कार्ड सामाजिक सञ्जालमा लीक भएको छ, जसमा जोडीको विवाहको सम्पूर्ण विवरण सार्वजनिक भएको छ । नागा चैतन्य र शोभिताको विवाहको मिति पनि कार्ड मार्फत खुलाएको छ ।

नागा चैतन्य र शोभिता धुलिपालाको विवाहको कार्ड सोसल मिडिया प्लेटफर्म एक्समा भाइरल भइरहेको छ । कार्डमा शोभिता र नागा चैतन्यको नामसँगै दुवै परिवारका अभिभावकको नाम पनि लेखिएको छ । 

नागा चैतन्य र शोभिता धुलिपालाको विवाहको कार्डलाई परम्परागत दक्षिण भारतीय डिजाइन तत्वहरूले सजाइएको छ। नयाँ शुरुवात र आशीर्वाद, काँसाको बत्ती, गाई र फूल र पातहरूको प्रतीक झुण्डिएको मन्दिरको घण्टीले सुसज्जित, यो विवाहको कार्ड धेरै उत्कृष्ट देखिन्छ।

नागा चैतन्य र शोभिता धुलिपालाको विवाहको मिति पनि कार्डमा लेखिएको छ, जस अनुसार यो जोडीले डिसेम्बर ४, २०२४ मा विवाह गर्ने छन् ।

रिर्पोटका अनुसार नागा चैतन्यले दोस्रो पटक विवाह गर्न लागेका छन्। यसअघि उनले सन् २०१७ मा अभिनेत्री सामन्था रुथ प्रभुसँग विवाह गरेका थिए । तर, विवाहको चार वर्षपछि उनीहरुको सम्बन्धमा दरार आयो र उनीहरुको सम्बन्ध विच्छेद भएकाे थियाे ।

सामन्थासँग डिभोर्स भएपछि नागा चैतन्यको नाम शोभिता धुलिपालासँग जोडिने गरेको थियो । उनीहरु दुबै पटक पटक सँगै छुट्टी मनाउने गरेको पनि देखिएको छ । यसै वर्षको अगस्ट ८ मा नागा चैतन्य र शोभिता धुलिपालाले इन्गेजमेन्ट गरेर आफ्नो सम्बन्ध पुष्टी गरेका थिए ।