उपनिर्वाचन: जसपा नेपालले कीर्तिपुरको मेयरमा तेस्रोलिंगी हनीलाई बनायो उम्मेदवार

२ मंसिर, काठमाडौं । जसपा नेपालले काठमाडौंको कीर्तिपुर नगरपालिकाको मेयर पदका लागि तेस्रोलिंगी दीपक महर्जन (हनी) लाई उम्मेदवार बनाएको छ । उनले उम्मेदवारी दर्ता गराएका छन् । निर्वाचन अधिकृतको कार्यालयमा आइतबार उनले मनोनयनपत्र दर्ता गराएका हुन् ।

आसन्न उपनिर्वाचनका निम्ति आज बिहान १० देखि अपराह्न ५ बजेसम्म उमेदवारको मनोनयनपत्र दर्ता गरिँदै छ । स्थानीय तहका रिक्त ४२ पदका निम्ति यही मंसिर १६ गते मतदान हुँदै छ । आजै साँझ ५ देखि ६ बजेसम्म उमेदवारको सूची प्रकाशन गरिने निर्वाचन आयोगले जनाएको छ ।