युवाहरूबीच कुटपिट हुँदा एक जनाको मृत्यु

२ मंसिर, तिलोत्तमा । रुपन्देहीमा युवाहरूबीच कुटपिट हुँदा एक जनाको निधन भएको छ। आफ्नै भतिजा र साथीभाइको कुटपिटबाट मायादेवी गाउँपालिका–७ बैरीहवा बस्ने ३५ वर्षीय राजु शाहनीको शुक्रबार राति मृत्यु भएको हो। 

मदिरा सेवन गरी झगडा हुँदा भतिजा २१ वर्षीय अजय शाहनी, २२ वर्षीय सुरज कहार र २९ वर्षीय राजकुमार कुर्मीले राजुमाथि कुटपिट गरेका थिए। गम्भीर घाइते भएका शाहनीलाई भिम अस्पताल लगिएकोमा उपचारका क्रममा मृत्यु भएको प्रहरीले जनाएको छ।

कुटपिटमा संलग्न ३ मध्ये २ जनालाई प्रहरीले नियन्त्रणमा लिएको छ। उनीहरूविरुद्ध कर्तव्य ज्यान मुद्दा दर्ता गरी अनुसन्धान अघि बढाइएको प्रहरीको भनाइ छ।