मेडिकल व्यवसायी दुर्गा प्रसाई पक्राउ

४ मंसिर, काठमाडौं । मेडिकल व्यवसायी दुर्गा प्रसाई पक्राउ परेका छन् । उनलाई प्रहरीले भक्तपुरस्थित उनकै निवासबाट पक्राउ गरेको हो । केन्द्रीय अनुसन्धान व्युरो सीआईबी प्रमुख दीपक थापाले उनलाई कानुनी दायरामा ल्याइएको पुष्टि गरेका छन् । 

सामाजिक संजालमार्फत् अफवाह फैलाएको अभियोगमा उनी पक्राउ परेका हुन् । यसअघि पनि पक्राउ परेका उनलाई प्रहरीले निगरानीमा राखेको थियो । त्यही क्रममा प्रारम्भिक अध्ययन गरेर नियन्त्रणमा लिएको प्रहरीले जनाएको छ । 

प्रसाईंले प्रधानमन्त्री केपी शर्मा ओलीलाई जोडेर सामाजिक सञ्जालमार्फत अफवाह फैलाएको आरोप छ । सीआईबी प्रमुख एआईजी दीपक थापाले प्रसाईंविरुद्ध साइबर अपराधमा अनुसन्धान अघि बढेको बताए । उनले भने, प्रसाईंविरुद्ध साइबर अपराधमा अनुसन्धान अघि बढेको छ । किर्तेमा पनि अनुसन्धान हुनसक्छ । किर्ते र संगठित अपराधमा पनि तानिन सक्छन् ।