कोशीका पूर्वमन्त्री अधिकारीलाई थप ५ दिन हिरासतमा राख्न अदालतले दियो अनुमति

४ मंसिर, काठमाडौं । जिल्ला अदालत काठमाडौंले मानव तस्करीको आरोपमा अनुसन्धानका लागि पक्राउ परेका कोशीका पूर्वमन्त्री लिलाबल्लभ अधिकारीलाई थप ५ दिन हिरासतमा राख्ने अनुमति दिएको छ । उनलाई हिरासतमा राख्न अदालतले दिएको अनुमति आज सकिएको थियो । 

जिल्ला प्रहरी परिसर काठमाडौंले अधिकारीलाई मंगलबार जिल्ला अदालत काठमाडौंमा पेश गरी म्याद थपको अनुमति लिएको हो । यसक्रममा अदालतले थप ५ दिन हिरासतमा राखेर अनुसन्धान गर्न अनुमति दिएको छ । कात्तिक दोस्रो हप्ता जापान जाँदा असम्बन्धित व्यक्तिलाई पनि लिएर गएपछि उनी कारवाहीमा तानिएका थिए ।