कीभस्थित अमेरिकी दूतावास अस्थायी रुपमा बन्द

५ मंसिर, काठमाडौं । अमेरिकाले युक्रेनको कीभस्थित आफ्नो दूतावास अस्थायी रुपमा बन्द गरेको छ। बिबिसीका अनुसार अमेरिकाले कीभमा रुसले थप आक्रमण गर्ने सूचना पाएपछि दूतावासलाई अस्थायी रुपमा बन्द गरेको छ ।

दूतावासले एक आकस्मिक सूचना दिँदै दूतावास अस्थायी रुपमा बन्द हुने र कर्मचारीलाई तत्काल सेल्टर लिन निर्देशन दिएको छ ।

पछिल्लो समय रुस र युक्रेनबीच द्वन्द्व बढ्ने संकेत देखिएको छ । अमेरिकाले युक्रेनलाई आफूले दिएका मिसाइल सीमा बाहिर प्रयोग गर्न अनुमति दिएपछि रुसले कडा प्रतिक्रिया दिएको छ ।

अमेरिकाले उत्तर कोरियाबाट १० हजारभन्दा बढी सैनिक ल्याएर रुसले युक्रेनमाथि आक्रमण बढाएको र थप बढाउन सक्ने बताउँदै आएको छ ।