सैनामैना नगरपालिका नगर प्रमुख शर्माद्वारा मुर्गियामा डिशहोमको नयाँ सेवा केन्द्र उद्घाटन

५ मंसिर, बुटवल । सैनामैना नगरपालिकाको मुर्गिया क्षेत्रमा डिशहोमको इन्टरनेट सेवा शुरु भएको छ । हिजो मंसिर ४ गते सो नयाँ शाखाको उद्घाटन सैनामैनाका नगर प्रमुख फणेन्द्रप्रसाद शर्माले एक भव्य कार्यक्रमका बीच उद्घाटन गरेका छन् । कार्यक्रममा स्थानीय जनप्रतिनिधि, डिशहोमका कर्मचारीहरू तथा अन्य उल्लेखनीय व्यक्तिहरूको उपस्थिति रहेको थियो ।

नवउद्घाटित सेवा केन्द्रले सैनामैना नगरपालिकाका ग्राहकहरूलाई डिशहोमका विविध सेवाहरू उपलब्ध गराउने डिसहोम मिडियाले जनाएको छ। ग्राहकहरूले यहाँबाट इन्टरनेटको नयाँ जडान, रिचार्ज, र टिभी जडान तथा रिचार्ज सेवा बुक गर्न सक्ने कम्पनीद्वारा जारी विज्ञप्तिमा उल्लेख छ । यस सेवा केन्द्रमार्फत अब सैनामैना क्षेत्रका स्थानीय ग्राहकहरूको आवश्यकता समाधान गर्न र गुणस्तरीय सेवा सुविधाहरू थप प्रभावकारी रूपमा प्रदान गर्न सहयोग गरिने डिसहोमको भनाइ छ ।

डिशहोमको यो नयाँ शाखाले सैनामैना नगरपालिकाका नागरिकहरूलाई डिजिटल सेवासम्बन्धी सहज पहुँच पुर्याउन महत्वपूर्ण योगदान पुर्याउने विश्वास गरिएको छ।