अन्डरकभरको एजेन्ट भन्दै रकम ठगी गरेको आरोपमा डाक्टर आशिष दाहाल पक्राउ

५ मंसिर, काठमाडौं । भोजपुर नगरपालिका–११ का ३२ वर्षीय डा. आशिष दाहाललाई ठगी आरोपमा प्रहरीले पक्राउ गरेको छ । आफूलाई अन्डरवर्ल्ड नेटवर्कको अन्डरकभर एजेन्ट भएको बताउँदै विभिन्न व्यक्तिबाट रकम असुली गरेको आरोपमा प्रहरीले उनलाई पक्राउ गरेको हो । प्रहरीले उनलाई काठमाडौंको शंखमूलबाट पक्राउ गरेको हो ।

प्रहरीका अनुसार उनी एमबीबीएस डाक्टर हुन् । सुरुमा उनले अन्डरवर्ल्ड नेटवर्कको अन्डरकभर एजेन्ट बताएर ह्वाट्सएपमार्फत विभिन्न व्यक्तिहरूलाई मेसेज गर्दै आएका िथए । मेसेजमा उनले भारतको बिहारसहित अन्य ठाँउबाट ‘कन्ट्रयाक्ट किल्लर’ भाडामा लगाएर ज्यान मार्ने बताउने गरेका थिए । उनले पीडितहरूसँग ५० हजारदेखि दुई लाख रुपैयाँसम्म रकम माग्ने गरेको प्रहरी बताउँछ । थप कारबाहीका लागि उनलाई जिल्ला प्रहरी परिसर काठमाडौं पठाइएको छ ।