उच्च र जिल्ला अदालतका १३ जना न्यायाधीशको सरुवा

६ मंसिर, काठमाडौं । बिहीबार बिहान बसेको न्याय परिषदले उच्च र जिल्ला अदालतका गरी १३ जना न्यायाधीशको सरुवा गरेको छ । प्रधानन्यायाधीश प्रकाशमानसिंह राउतको अध्यक्षतामा बसेको परिषद बैठकले उच्च अदालतका दुई र जिल्ला अदालतका ११ न्यायाधीशको सरुवा गरेको हो । 

परिषदले उच्च अदालत जनकपुरका न्यायाधीश किरणकुमार पोखरेललाई उच्च अदालत विराटनगर र उच्च अदालत तुलसीपुरका न्यायाधीश रेखा थापा पाण्डेलाई विराटनगर सरुवा गर्ने निर्णय गरेको छ । बैठकले जिल्ला अदालतका ११ जना न्यायाधीशहरूको पनि सरुवा गरेको छ ।