खुमलटारमा प्रचण्ड निवास नजिकै शंकास्पद् बस्तु भेटियो

७ मंसिर, काठमाडौं ।  ललितपुरको खुमलटारमा माओवादीका अध्यक्ष तथा पूर्वप्रधानमन्त्री पुष्पकमल दाहाल प्रचण्डको निवास नजिकै शंकास्पद् बस्तु फेला परेको छ । खुमलटारको साङपाङ चोकमा शंकास्पद् बस्तु फेला परेको महानगरी प्रहरी वृत्त सादतोबाटोले जानकारी दिएको छ ।

नजिकै माओवादी अध्यक्ष प्रचण्डको निवास भएकाले सुरक्षा व्यवस्था कडा पारिएको छ । नेपाली सेनाको डिस्पोजल टिमले घटनाको अनुसन्धान गरिरहेको प्रहरीले जनाएको छ । कस्ले यस्तो बस्तु छाडेर गयो भन्ने खुलेको छैन ।