१८ औं वार्षिकोत्सवमा गरिमा विकास बैंकका १८ काम

८ मंसिर, काठमाडौं । गरिमा विकास बैंक लिमिटेडले १८ औं वार्षिकोत्सवमा १८ काम सम्पन्न गरेको छ । ‘सबैमा पहुँच’ मूल नारालाई आत्मसाथ गर्दै ग्राहक मैत्री एवं नविनतम डिजिटल बैंकिङ सेवा प्रवाह गर्दै आइरहेको गरिमा विकास बैंकले शुक्रबार १८ औं वार्षिकोत्सव सम्पन्न गरेको हो । 

देशभर विभिन्न १८ वटा संस्थागत सामाजिक उत्तरदायित्वमूलक कार्यक्रमहरू आयोजना गरी १८ औं वार्षिकोत्सव मनाउने उद्देश्य लिएको बैंकले आज शुक्रबार देशभरी विभिन्न कार्यक्रम गरी वार्षिकोत्सव सम्पन्न गरेको हो ।

वार्षिकोत्सवका अवसरमा बैंकले निम्न कार्यक्रमहरू सफलतापूर्वक सम्पन्न गरेको छ । 

विकास बैंकले देशका विभिन्न ७ स्थानमा वृहत् रक्तदान कार्यक्रम सम्पन्न गरी कुल ५६२ युनिट रगत संकलन गरेको छ ।

विकास बैंकको प्रधान कार्यालय, लाजिम्पाट, काठमाडौंमा आयोजित रक्तदान कार्यक्रमबाट ७७ युनिट रगत संकलन ।

विकास बैंकको क्षेत्रीय कार्यालय नारायणगढमा आयोजित रक्तदान कार्यक्रमबाट ७८ युनिट रगत संकलन ।

विकास बैंकको क्षेत्रीय कार्यालय पोखरामा आयोजित रक्तदान कार्यक्रमबाट १६२ युनिट रगत संकलन ।

विकास बैंकको शाखा कार्यालय बुटवलमा आयोजित रक्तदान कार्यक्रमबाट ८४ युनिट रगत संकलन ।

विकास बैंकको क्षेत्रीय कार्यालय कोहलपुरमा आयोजित रक्तदान कार्यक्रमबाट ६५ युनिट रगत संकलन ।

विकास बैंकको शाखा कार्यालय, इटहरीमा आयोजित रक्तदान कार्यक्रमबाट ५९ युनिट रगत संकलन ।

विकास बैंकको शाखा कार्यालय, वीरगन्जमा आयोजित रक्तदान कार्यक्रमबाट ३७ युनिट रगत संकलन ।

जिल्ला ट्राफिक कार्यालय, पोखरामा ब्रेथलाइजर (रक्सी पत्ता लगाउने यन्त्र) र रंगीन प्रिन्टर प्रदान ।

कीर्तिपुर अस्पताल प्रवेश गर्ने स्थान र मुल सडकमा ट्राफिक व्यवस्थापनको लागि ट्राफिक डिभाइडर कोन प्रदान ।

कान्ति बाल अस्पताल, काठमाडौंमा वेटिङ्ग कुर्सी प्रदान ।

बेनी अस्पताल, म्याग्दीमा वेटिङ्ग कुर्सी प्रदान ।

श्री ज्ञानज्योति आधारभूत विद्यालय लल्याङ स्याङ्जाका विद्यार्थीहरूलाई ट्रयाक सूट (स्कूल ड्रेस) वितरण ।

जानकी मन्दिर जनकपुरधाममा जुत्ता राख्ने र्याक प्रदान ।

श्री रामनदी धाम संस्कृत गुरुकुल राम्दी, स्याङ्जामा स्टील दराज प्रदान ।

मेची आधारभूत विद्यालय भद्रपुर ३ झापा, डोलो गाउँ (मेची नदीको पारीको गाउँ) मा बिद्यार्थीहरुको लागि जुत्ता र मोजा वितरण ।

श्री रम्भादेवी प्राथमिक विद्यालयका विद्यार्थीहरूलाई जाडो मौसमको पोशाक वितरण ।

श्री बाल शिक्षा निकेतन आधारभूत विद्यालय वालिङ्ग ११ गब्दे, स्याङ्जाका विद्यार्थीहरूलाई ट्रयाक सुट (स्कूल ड्रेस) वितरण ।

त्यसैगरी बैंकले “स्वस्थ जीवनशैली” का लागि खेलकुद भन्ने नाराका साथ शनिबार गरिमा रोड रेस प्रतियोगिता-२०८१ आयोजना गर्दैछ । कीर्तिमानी धावक एवं ओलम्पियन बैकुण्ठ मानन्धरबाट उद्घाटन हुने खुल्ला तर्फ महिला र पुरुष १० किमि र कर्पोरेट तर्फ महिला र पुरुष ५ किमि दुरीको गरी कुल ४ वटा रोड रेस प्रतियोगितामा बैंकले प्रत्येक प्रतियोगितामा प्रथम, दोस्रो, तेस्रो, चौथो र पाँचौ स्थान हासिल गर्ने धावकहरूलाई क्रमशः रु.७५,०००/– रु.६०,०००/, रु.४५,०००/–, रु.३०,०००/– र रु.१५,०००/– पुरस्कार प्रदान गर्ने जनाएको छ ।

खुल्ला र कर्पोरेट तर्फको रोड रेस प्रतियोगितामा गरी करिब ७०० जनाको सहभागिता रहनेछ । बैंकले यस किसिमका सामाजिक उत्तरदायित्वमूलक कार्यक्रमहरूलाई आगामी दिनमा समेत प्राथमिकतामा राखी निरन्तरता दिने तथा रोड रेस प्रतियोगिता प्रत्येक वर्ष आयोजना गर्ने लक्ष्य राखेको छ ।