देउवाले उमेश श्रेष्ठलाई बनाए कांग्रेसको कोषाध्यक्ष

९ मंसिर, काठमाडौं । नेपाली कांग्रेसका सभापति शेरबहादुर देउवाले उमेश श्रेष्ठलाई कोषाध्यक्षमा नियुक्त गरेका छन् । उनलाई देउवाले आइतबार कोषाध्यक्षमा नियुक्त गरेका हुन् । शिक्षा क्षेत्रको व्यवसायमा रहेका श्रेष्ठ नेपाली कांग्रेसको केन्द्रीय सदस्य हुन् । 

उनी २०७९ को प्रतिनिधिसभा निर्वाचनमा चितवन–२ बाट चुनाव लडेर पराजित भएका थिए । महाधिवेशन सकिएको लामो समय भएपनि देउवाले कोषाध्यक्ष पद खाली राखेका थिए । कांग्रेसको कोषाध्यक्ष पदका लागि उद्योगपति विनोद चौधरीलगायतका आकांक्षी थिए । तर, देउवाले श्रेष्ठलाई मन पराए ।