सुन तोलामा २६ सयले घटेर १ लाख ४९ हजार नजिक

११ मंसिर, काठमाडौं । मंगलबार २६ सय रूपैयाँले सुनको मूल्य घटेको छ । सोमबार १५ हजार ९ सय रुपैयाँ घटेको सुन आज फेरि २ हजार  ६ सयले घटेको हो । नेपाल सुनचाँदी व्यवसायी महासंघले आजका लागि सुनको भाउ प्रतितोला १ लाख ४८ हजार ७ सय रुपैयाँ तोकेको छ ।

अघिल्लो दिन प्रतितोला १ लाख ५१ हजार ३ सय रुपैयाँ थियो । यसअघि कात्तिक १५ गते सुनको भाउ हालसम्मकै उच्च प्रतितोला १ लाख ७१ हजार रुपैयाँ पुगेको थियो । त्यस्तै चाँदीको भाउ प्रतितोला २५ रुपैयाँ घटेको छ । अघिल्लो दिन प्रतितोला १८४५ रुपैयाँ रहेको चाँदी यस दिन १८२० रुपैयाँ कायम भएको छ ।