बालकृष्णको ‘चपुर घुम्न जाउँ...’ गीत सार्वजनिक

११ मंसिर, रौतहट । गीतकार बालकृष्ण सापकोटाको सांगितिक कोशेली ‘चपुर घुम्न जाउँ...’ गीतको भिडिओ सार्वजनिक भएको छ । गीतकार सापकोटाले आफ्नो गृहनगर चन्द्रपुरको ऐतिहासिक महत्व दर्शाएर गीत लेखेका हुन् ।

चन्द्रपुरको प्रचारप्रसारको लागि लेखिएको गीतमा अहिलेका चर्चित गायक रविराज शाह र गायिका मेलिना राईको स्वर रहेको छ । गीतको भिडिओको छायाँकनमा चन्द्रपुरका ऐतिहासिक संस्कृति, धार्मिक तथा पर्यटकीय ठाउँ समावेश गरिएको छ ।

भिडिओको कन्सेप्ट पनि स्वयंम गीतकार सापकोटाको हो । भिडिओको निर्देशन भने देवेन्द्र कुशवाहको हो भने गीतको कम्पोज गायक शाहको हो । यो भिडियो गीत रविराज शाह औफिसिय यूट्यूब च्यानलबाट सार्वजनिक गरिएको छ ।  

पूर्व पश्चिम राजमार्गसँग जोडिएको मधेस प्रदेशको रौतहट जिल्लाको उत्तरी क्षेत्रमा पर्ने चन्द्रपुरको आन्तरिक पर्यटन प्रवर्द्धन गर्ने उद्देश्यले उक्त गीत निर्माण गरिएको गीतकार सापकोटाले जनाएका छन् ।  गीतकार सापकोटाको चपुर घुम्न जाऊँ पहिलो गीत हो । 

गीतकार सापकोटाको सुन्दर शब्द, चर्चित गायक शाह र राईको सुमधुर स्वर तथा कुशवाहाको सानदार भिडियो सम्पादनमा तयार भएको यो गितलाई अहिले युट्युब च्यानलमा छोटो समयमै भाइरल भएको छ ।