आरबीआईका गभर्नर शक्तिकान्त दास अस्पताल भर्ना

११ मंसिर, काठमाडौं । रिजर्व बैंक अफ इन्डिया 'आरबीआई'का गभर्नर शक्तिकान्त दासलाई छातीमा दुखाइका कारण चेन्नईको एक अस्पतालमा भर्ना गरिएको छ ।  

छातीमा दुखाइका कारण स्वास्थ्यमा सामान्य समस्या आएपछि आरबीआईका गभर्नर दासलाई मंगलबार चेन्नईको एक अस्पतालमा भर्ना गरिएको हाे ।

आरबीआईका प्रवक्ताका अनुसार गभर्नर दास एसिडिटीबाट पीडित थिए, उनलाई तमिलनाडुको राजधानीको एपोलो अस्पतालमा भर्ना गरिएको छ । केन्द्रीय बैंकले आत्तिनुपर्ने अवस्था नरहेको र केही घण्टामै डिस्चार्ज हुने जनाएको छ ।

अहिले उनको अवस्था सामान्य रहेको छ, २–३ घण्टामा डिस्चार्ज हुने अस्पतालले जनाएकाे स्राेतले उल्लेख गरेकाे छ । अस्पतालले जारी गरेकाे विज्ञप्तिमा भनिएकाे छ, चिन्ता लिनुपर्ने केही छैन। जहाँसम्म छाती दुख्ने कुरा छ, यो धेरै कारणले हुन सक्छ। छाती दुख्ने समस्या हृदयघातले मात्र हुँदैन ।