प्रतिबन्धित औषधीसहित झापाबाट एक जना पक्राउ

११ मंसिर, झापा । प्रहरीले झापाबाट प्रतिबन्धित औषधीसहित एक जनालाई पक्राउ गरेको छ।

पक्राउ पर्नेमा कमल गाउँपालिका वडा नम्बर ७ का ३८ वर्षीय सन्देश बस्नेत रहेका छन्। उनलाई घरैबाट प्रहरीले सोमबार दिउँसो पक्राउ गरेको हो।

झापा प्रहरी प्रवक्ता प्रहरी नायब उपरीक्षक कृष्णकुमार चन्दका अनुसार बस्नेतले घरमा प्रतिबन्धित औषधी लुकाएर राखेको पाइएपछि पक्राउ गरिएको हो।

इलाका प्रहरी कार्यालय दमक र अस्थायी प्रहरी पोस्ट बाह्रघरेबाट खटिएको टोली बस्नेतको घरमा पुगेको थियो।उनको घरबाट ट्रामाडोल ४९३ पत्ता, स्पास्पेन ५०३ पत्ता र डिकोलिक ४२ पत्ता बरामद भएको चन्दले बताए।बस्नेतलाई इलाका प्रहरी कार्यालय दमकमा राखेर अनुसन्धान थालिएको छ।