गढीमाई मेला भब्य र सभ्य बनाउन मास्टर प्लान बनाईएको छ: नगरप्रमुख उपेन्द्र यादव

 १२ मङ्सिर, काठमाडौं । विश्व प्रसिद्ध गढीमाई मेला मंसिर १ गतेदेखि  बारा जिल्लाको बरियारपुरमा सुरु भएको छ । पन्चवर्षिय गढीमाई मेला भव्य र सभ्य बनाउनुको लागि अहिले मुल समिती र विभिन्न उपसमितिहरूले काम गरिरहेको छ । गढीमाई मेलालाई भव्य र सभ्य बनाउनुको लागि मास्टर प्लान बनाइएको महागढीमाई नगरपालिकाको नगरप्रमुख एवं गढीमाई मेला मुल समितिका अध्यक्ष उपेन्द्र प्रसाद यादवले सञ्चारकर्मीलाइ बताए ।

नगरप्रमुख यादवले अनुगमन उपसमितिले अनुगमन गरे पछि मात्र मनोरञ्जन, खुद्रा पसल कहाँ राख्ने र त्यस अनुसारनै त्यस्ता साधनहरु र पसलहरूलाई व्यवस्थापन गरिने बताए । अहिले गढीमाई मेलामा दर्शनार्थीहरुको भिड दैनिक बढ्दो क्रममा रहेको  छ। दैनिक लाखौं दर्शनार्थीले मेलाको अवलोकन गरिरहेकाले मेलामा व्यवस्थापनमा कुनै कसर बाँकी नरहने गरि समिति र उपसमिति काम गरिरहेको मेला मुल समितिले जनाएको छ।

विश्व प्रसिद्ध गढीमाई मेलामा जसले जुन प्रयाेजनको लागि पसल राखेको छफ त्यस बाहेक अन्य समाग्री बिक्री बितरण गर्न नपाउने गरी अनुगमन उपसमिती काम गरिरहेको अनुगम उपसमितिका संयोजक दिपकप्रकाश गुप्ताले बताए । पसल लगाउने बहानामा कसैले पैसा लिएमा अनुगमन उपसमिति कार्वाही गर्न त्यार रहेको समेत उनले बताए ।

विश्व प्रसिद्ध पन्चबर्षिय गढीमाई मेलामा स्वाथ्य क्षेत्रलाई मध्य नजर गर्दै नेपाल मिडिसिटी अस्पताल र फुलकुमारी महतो मेमोरियल अस्पतालल नि:शुल्क स्वास्थ्य शिविर संचालन गर्ने नेपाल मिडिसिटी अस्पतालका डाईरेक्टर बिजय रिमालले बताउनु भयो। उनका अनुसार मेलामा  २४ औं घन्टा चिकित्सक ,नर्श लगाएतको टोलिले शिविरमा सेवा प्रदान गर्ने छ।