प्रधानमन्त्रीले बोलाए मन्त्री र सचिवहरुको संयुक्त बैठक

१२ मंसिर, काठमाडौं । प्रधानमन्त्री केपी शर्मा ओलीले सरकारको कामको समीक्षा गर्न भन्दै सबै मन्त्री र मन्त्रालयका सचिवहरुको संयुक्त बैठक बोलाएका छन् । प्रधानमन्त्रीले बोलाएको बैठकमा अन्य सरोकारवालाहरु पनि सहभागी हुने बताइएको छ । 

बैठक बुधबार दिउँसो ३ बजे सिंहदरबारमा बस्ने प्रधानमन्त्रीको सचिवालयले जनाएको छ । बैठकमा सरकारका कामको त्रैमासिक समीक्षा हुने बताइएको छ । चालु आर्थिक वर्षमा सरकारले गरेका कामको समीक्षाका साथै आगामी कार्ययोजना तय गर्ने बताइएको छ । बैठकमा नागरिकको असन्तुष्टि र सरकारको प्रभावकारिताका विषयमा छलफल गर्ने र निर्देशन दिने प्रधानमन्त्रीको तयारी छ ।