प्रधानमन्त्रीसँग चीन जाने सरकारी टोली ४० सदस्यीय हुने, मंसिर १८ गते चीनका राष्ट्रपतिसँग भेट

१२ मंसिर, काठमाडौं । प्रधानमन्त्री केपी शर्मा ओली शर्मा ओलीको चीन भ्रमणको तयारी अन्तिम चरणमा पुगेको छ । उनी ४० सदस्यीय सरकारी टोली लिएर चीन भ्रमणमा जाने परराष्ट्र मन्त्रालय स्रोतले जानकारी दिएको छ । यो टोली उद्योगीहरु बाहेकको हो ।

प्रधानमन्त्री ओलीले मंसिर १८ गते चिनियाँ राष्ट्रपतिसँग शिष्टाचार भेटवार्ता गर्ने कार्यक्रम तय भएको छ । परराष्ट्रका अनुसार सोही दिन प्रधानमन्त्री ओलीले बेइजिङमा चिनियाँ प्रधानमन्त्री ली चियाङसँग प्रतिनिधिमण्डल स्तरीय द्धिपक्षी वार्ता गर्नेछन् ।  प्रधानमन्त्री ओली मंसिर १७ गते चीन प्रस्थान गर्नेछन् । उनी मंसिर २० गते स्वदेश फर्कने गरी कार्यक्रम बनाइएको परराष्ट्र मन्त्रालयले जनाएको छ ।  

त्यसअघि परराष्ट्रमन्त्री आरजु राणा देउवा बिहीबार चीन जानेछिन् । उनी शनिबार नेपाल फर्किएर पुनः सोमबार चीन प्रस्थान गर्ने कार्यतालिका बनेको छ । १५ मंसिरमा मन्त्री राणा देउवा नेपाल फर्केर १७ मंसिरमा प्रधानमन्त्री ओलीसँग राणा पुनः चीन जाने गरी कार्यतालिका बनेको परराष्ट्रले जनाएको छ ।