मकवानपुरमा साबेल प्रहार गरी साथीको हत्या

१३ मङ्सिर, हेटौंडा । मकवानपुरमा एक व्यक्तिले साबेल प्रहार गरी आफ्नै घरमा सुतिरहेका साथीको गरेका छन् । मकवानपुरको मनहरी गाउँपालिका– ६ मा  ५० वर्षीय जीतबहादुर मोक्तानलाई सँगै मजदुरी गर्ने ३४ वर्षका अम्बरबहादुर लोप्चनले सुतिरहेको अवस्थामा साबेल प्रहार गरी हत्या गरेको मकवानपुर प्रहरीले जनाएको छ ।

 साबेल प्रहारबाट गम्भीर घाइते भएका मोक्तानलाई उपचारको लागि भरतपुर लगिए पनि अस्पतालका डाक्टरले मृत घोषणा गरेको प्रहरीको भनाइ छ । हत्या आरोपी लोप्चनलाई प्रहरीले पक्राउ गरी  अनुसन्धान भइरहेको प्रहरीले जनाएको छ ।