माओवादी, रास्वपा र स्वतन्त्र गरी ६ जना उम्मेदवारलाई निर्वाचन आयोगले सोध्यो स्पष्टीकरण

१४ मंसिर, काठमाडौं । निर्वाचन आयोगले नेकपा माओवादी,रास्वपा र स्वतन्त्र गरी ६ जनालाई निर्वाचन आचार संहिता उल्लंघन गरेको आरोपमा स्पष्टीकरण सोधेको छ । आयोगको अनुगमन टोलीले आचारसंहिता विपरीत चुनावी गतिविधि गरेको भेटेपछि स्पष्टीकरण सोधिएको हो । कीर्तिपुर नगरपालिका र काठमाडौँ महानगर वडा नम्बर १६ का उम्मेदवारले आचारसंहित उल्लंघन गरेका हुन् । 
 
स्पष्टीकरण सोधिएका उम्मेदवारहरूमा कीर्तिपुरका राजमान महर्जन, मीनबहादुर मानन्धर, शिव शरण महर्जन, सम शाक्य, रोजिना श्रेष्ठ र पशुपति कठायत रहेका छन् । राजमान महर्जन कीर्तिपुर नगरपालिकाको मेयरका स्वतन्त्र उम्मेदवार हुन् । शिव शरण महर्जन माओवादी केन्द्रबाट कीर्तिपुर नगरपालिकाको मेयरका उम्मेदवार हुन् । 

मीन बहादुर मानन्धर काठमाडौँ महानगरपालिका वडा नम्बर १६ बाट नेकपा एकीकृत समाजवादीका वडाध्यक्षका उम्मेदवार भने पशुपति कठायत, सम शाक्य पनि कामपा १६ का स्वतन्त्र उम्मेदवार हुन् ।  रोजिना श्रेष्ठ राष्ट्रिय स्वतन्त्र पार्टीका तर्फबाट काठमाडौँ महानगर पालिका वडा नम्बर १६ का उम्मेदवार हुन् ।