नब्बे लाख बराबरको औषधीजन्य सामाग्रीहरूसहित ट्रक नियन्त्रणमा

१४ मंसिर, काठमाडौं । पर्सा प्रहरीले नब्बे लाख बराबरको औषधी लोड गरेको माल बाहक ट्रक नियन्त्रणमा लिइएको जनाएको छ ।

पर्साको वीरगञ्ज महानगरपालिका वडा नं ८ स्थित घण्टाघर चोकमा ना ३ ख ७९१९ नम्बरको माल बाहक ट्रकमा औषधीहरू लोड गरी वीरगञ्जबाट काठमाडौंतर्फ लैजाँदै गरेको अवस्थामा विल विजक भन्दा बढिका सामान सहित ट्रक नियन्त्रणमा लिइएको प्रहरीले जनाएको छ ।

नब्बे लाख सैँतीस हजार बराबरका औषधीजन्य सामाग्रीहरूसहित नियन्त्रणमा लिएको मालबाहक ट्रक अनुसन्धान तथा आवश्यक कारवाहीको लागि राजस्व अनुसन्धान कार्यालय पथलैया बारामा बुझाइएको प्रहरीले जनाएको छ ।