न्याय सेवा आयोगद्वारा ३ सयमाथि कर्मचारीको सरुवा

१४ मंसिर, काठमाडौं । प्रधानन्यायाधीश अध्यक्ष रहेको न्याय सेवा आयोगले दुई सहसचिवसहित तीन सयमाथि अधिकृतको सरुवा गर्न सिफारिस गरेको छ । शुक्रबार प्रधानन्यायाधीश प्रकाशमानसिंह राउतको अध्यक्षतामा बसेको बैठकले सरुवाको निर्णय गरेको हो ।

बैठकले सत्य निरुपण तथा मेलमिलाप आयोगका सचिव आलोकचन्द्र श्रेष्ठलाई नेपाल कानुन आयोगमा सरुवा गरेको छ भने कानुन आयोगका सचिव पाराश्वर ढुंगाना सत्य निरुपण तथा मेलमिलाप आयोगमा सरुवा भएका छन् । आयोगको सिफारिसबमोजिम मन्त्रीपरिषद्ले सरुवा गर्ने प्रावधान छ ।