विमानस्थलबाट १ केजी सुनसहित एक जना पक्राउ

१५ मंसिर, काठमाडौं । त्रिभुवन विभानस्थल भन्सार कार्यालयले १ केजी १ सय ग्राम सुनसहित चितवनका आशिष सुवेदीलाई पक्राउ गरेको छ । उनी एयर अरेबियाको फ्लाइटबाट दुबई हुँदै नेपाल आएका थिए ।  भन्सार कर्मचारीले जाँचका क्रममा सुन भेटिएको हो । विमानस्थल प्रमुख भन्सार अधिकृत ललिता ज्ञवालीका अनुसार सुनको शंका गरेर प्रारम्भिक सोधपुछ गर्ने बित्तिकै सुवेदीले आफूसँग कसैले पठाएको सुन भएको बताएका थिए । 

ह्याण्ड क्यारीलाई एक्स–रेमा स्क्यान गर्ने बेला धातुजस्तो बस्तु देखेपछि सुनको शंका गरिएको थियो । भिजिट भिसामा दुबई गएकामा काम नपाएर फर्किने बेला अपरिचित व्यक्तिले सुन काठमाडौं पुर्याएमा १० हजार दिने भनेपछि बोकेर आएको उनले बताएका थिए । सुन उनले गोप्य अंगमा लुकाएर ल्याएको प्रारम्भिक अनुसन्धानबाट खुलेको छ । सुवेदीलाई गौशाला प्रहरीमा राखिएको छ ।