कीर्तिपुरबाट ४ जना पक्राउ, एनपीएलमा बेटिङ खेलाएको आरोप

१८ मंसिर, काठमाडौं: नेपाल प्रिमियर लिग (एनपीएल) मा बेटिङ खेलाएको आरोपमा प्रहरीले चार जनालाई पक्राउ गरेको छ । 

प्रहरीको केन्द्रीय अनुसन्धान ब्यूरो (सीआईबी)_को टोलीले चार जनालाई पक्राउ गरेको हो । सीआईबीका एआईजी दीपक थापाले दिएको जानकारी अनुसार सोमबार दुई जना र अहिले मंगलबार दुई जना गरी चार जनालाई पक्राउ गरिएको बताइएको छ।  

‘हिजो पक्राउ परेका दुई जना भारतीय हुन् । आज पक्राउ परेका दुई जनालाई कार्यालयमा ल्याइँदैछ । उनीहरुको हकमा बुझ्न बाँकी छ’, एआईजी थापाले भने । सोमबार पक्राउ परेका भारतीय नागरिक सुमन घोस् र अमित यादव रहेको बुझिएको छ।  

एनपीएलमा सट्टेबाजी तथा बेटिङ हुने आशंकामा सीआईबीले एक एसपीको कमाण्डमा टोली नै खटाएर काम गरिरहको छ ।