पोखराको हरिबिजोग, सात रन जोड्दा ६ विकेट चैट

१८ मंसिर,काठमाडौं : नेपाल प्रिमियर लिग (एनपीएल) मा चितवन राइनोजविरुद्ध पोखरा एभेन्जर्सले खराब सुरुवात गरेको छ । १६२ रनको लक्ष्य पछ्याएको पोखराले ७ रन जोड्दा ६ विकेट गुमाइसकेको छ। 

कप्तान तथा ओपनर कुशल भुर्तेल पहिलो बलमै आउट भए । पहिलो ओभरको पाचौं बलमा दिलिप नाथ ४ र अन्तिम बलमा बास डे लिड शुन्य रनमा आउट भए ।

किरण ठगुन्ना १, दिनेश खरेल १, माइकल लिस्क शुन्य रनमा आउट भए ।

बलिङमा चितवनका शोहिल तान्भिर र रिजन ढकालले ३–३ विकेट लिएका छन् ।

तन्भिरले पहिलो ओभरमा महत्वपूर्ण ३ विकेट लिएका थिए । पहिलो ओभरमा उनले भुर्तेल, नाथ र लिडको विकेट लिएका हुन् । रिजनले पनि एकै ओभरमा ३ विकेट लिए । उनले चौथो ओभरको पहिलो बलमा दीनेश, चौथो बलमा किरण र अन्तिम बलमा माइलकको विकेट लिएका थिए ।