सुनसरीमा गोली चलाएर प्रहरीले लियो ६४१ किलो गाँजा नियन्त्रणमा

१९ मंसिर, विराटनगर : सुनसरीमा प्रहरीले गोली चलाएर ६४१ किलो गाँजा नियन्त्रणमा लिएको छ।  सुनसरी प्रहरीले गाँजासहितको गाडी नियन्त्रणमा लिनका लागि गोली चलाएको हो । धरानमा चार राउण्ड गोली चलाएर गाँजा बरामद गरेको  प्रहरीले जनाएको छ।  

जिल्ला प्रहरी कार्यालय सुनसरी प्रवक्ता डीएसपी रामप्रसाद तिमल्सिनाले दिएको जानकारी अनुसार ६४१ किलो गाँजासहित दुई वटा गाडी नियन्त्रणमा लिएको बताइएको छ।  दुई गाडीका चालक मध्ये एक जनालाई प्रहरीले पक्राउ गरिसकेको छ।  

धनकुटाबाट गाँजा लिएर धरान तर्फ आउँदै गरेको गाडी रोकेर चेकजाँच गर्ने क्रममा गोली चलाएको प्रहरीले जनाएको छ।