शिक्षण अस्पतालमा राष्ट्रपतिको शल्यक्रिया सम्पन्न

१९ मंसिर, काठमाडौं । राष्ट्रपति रामचन्द्र पौडेलको बुधबार प्रोस्टेटसम्बन्धी शल्यक्रिया गरिएको छ । त्रिभुवन विश्वविद्यालय शिक्षण अस्पतालमा गरिएको शल्यक्रिया सफलता भएको हो । अस्पतालका निमित्त कार्यकारी निर्देशक  प्रा.डा. घनश्याम गुरुङले शल्यक्रिया सकिएको जानकारी दिएका छन् । 
 
राष्ट्रपति पौडेल प्रोस्टेटसम्बन्धी उपचारको लागि अस्पतालमा भर्ना भएका थिए । उनको आधुनिक प्रविधिबाट शल्यक्रिया (बाइबोलार टर्प) सफलतापूर्वक सम्पन्न भएको छ । हाल उनको स्वास्थ्य अवस्था सामान्य रहेको अस्पतालले जनाएको छ ।